ویژه کنید
عکس و تصویر ترکیب بند.، امام نازنینم ، شرحی برشهادت و عظمت امام محمد تقی علیه السلام. استاد ...



ترکیب بند.، امام نازنینم ،
شرحی برشهادت و عظمت امام محمد تقی علیه السلام.
استاد غلامی سرای

دانلود نماهنگ: http://aparat.com/v/Q2Wab
دانلود پادکست: https://bit.ly/333SqKs

جلال و مرتبتینَن اگر قدم آتاسان
یقین جلالتینن عرش اعظمه چاتاسان
دییرسن آی که بلوتلار آلا برابریوی
سپهرِ دین ده گون سن مگر اولار باتاسان
وجود پرجبروتین امامتین بالاسی
بیر آیری نورِ وجودِ امامته آتاسان
اولار بوگوزیاشیمی ای عزیزعالم قدس
کرامتیله آلوب موج کوثره قاتاسان
خدنگ ظلم وروب جام زهری لبلروه
سبب نه اولدی جوانلیقدا گوزیوموب یاتاسان
قیامتی ائلدون درک زهرده، امام جواد
امیدموز سیزه دی حشرده، امام جواد

اودم که زهر دایاندی یارالی لبلروه
مجسّم اولدی قاپی ماجراسی گوزلروه
بوناگوره که سزلتی سسون اولا مخفی
دوباره باغلادولار دربی جسم اطهروه
نه قدر سسلدون آخرآچون یانیرجیریم
توجه ائتمدولر سوز و آه و اخگریوه
یارالی جدّیوه بنزَر سوسوز دوداقلارینان
شکایتو آپاریردون خدای داوریوه
آتان امامِ رئوف و اوزون امامِ جواد
بو روسیاه لرین نامه سین آل اللریوه
کرم روادی سیزه گورسنَر خطا بیزدن
بهشت باغلارینون عطرین آلمشوق سیزدن

اوره کمند آتیری شوقدان دوباره،سیزه
بولور که دالدالانیر کهکشان ستاره سیزه
تمام عالم اولوب خلق نور وجهیزدن
اودور که خلقت ائدیرجامه پاره پاره سیزه
مسیر عشقیزی هرکیم توتوب مسلّم دور
طریق موج بلادن یِتَر سواره سیزه
بو دونیا اولمادی زیبنده سرو قامتیزه
بهشت وعرش الهی کسیب قواره سیزه
اوقدر شان واریز کبریا جوارینده
سالوبدی کون و مکانی اودور مهاره سیزه
مگر بو موج کرم بوشلیار بیزی، آقا
باخیشلاروز ایلویَر خسته قطره نی دریا
#اشعار_شهادت_امام_جواد #اشعار_مذهبی #استاد_غلامی_سرای #مرکز_فرهنگی_شهید_جدیری_کهنموئی

مرکز فرهنگی شهید جدیری کهنموئی
https://t.me/shahidjodeiri
https://t.me/shahidjodeiri
🎥 www.aparat.com/hasanjodeiry

دانلود نرم‌افزار اندروید ویسگون دانلود از بازار

ارسال دیدگاه

هنوز دیدگاهی ثبت نشده است
Loading...